د. محمود عزت

د. محمود عزت: لن نشارك في إضراب 6 أبريل لهذه الأسباب

http://www.ikhwanonline.com/Article.asp?ArtID=36099&SecID=270

دا عنوان ولنك خبر اتنشر فى موقع اخوان اون لين على لسان الدكتور محمود عزت الامين العام لجماعة الاخوان المسلمين

سيادة الدكتور المحترم فى حواره مع الصحفى المحترم احمد رمضان قاله لما احمد سألة عن موقع الجماعة من اضراب 6 ابريل قال ان الاخوان مش هيشاركوا فى اضراب 6 ابريل لانه غير منظم وملوش اهداف وقال ايه ان اللى دعوا للاضراب مخدوش رأى الاخوان والنبى بقا دا كلام يصدر من دكتور محترم عيب عليك يادوك تقول كلام زى دا هو الاخوان المان ولا انجليز علشان يتبعت ليهم دعوة ياعم الحاج دى مصر كلها بتصرخ ضد نظام ديكتاتورى لازم الكل يشارك

    تعالوا معايا نبص على سؤال سؤال ونرد عليه ونشوف الباشا قال ايه بخصوص 6 ابريل يمكن كلامه صح وانا اللى مجنون

إضراب 6 أبريل  

أحد شعارات الإضراب

أثارات العديد من التساؤلات عند رجل الشارع، بل وعند الصف الإخواني، وهو موضوع إضراب 6 أبريل القادم، وهل ستشارك الجماعة فيه أم لا، وهل ستوجِّه الجماعة الدعوةَ لأفرادها في كل مصر بالمشاركة في هذا الإضراب أم لا؟.

** الإضراب بشكلٍ عام- وكما أوضح بيان فضيلة المرشد- حقٌّ مشروع قانونًا وعُرفًا على الساحةِ العالمية كلها، وهو وسيلةٌ من وسائل التعبير متى حدد الهدف منه وحدد مآل هذا الإضراب والنتائج التي سيصل إليها، وإذا ما حُدِّدت الوسائل والإجراءات التي ستُتَّبع في هذا الإضراب فنحن نُؤيِّده ونُسانده؛ فنحن نؤكد أنَّ كل أخٍ من الإخوان في مهنته وفي فئته لا بد أن يكون إيجابيًّا فيما يخص أهل مهنته؛ فالهدف من إضراب أساتذة الجامعات- على سبيل المثال- كان موضوع كادر أعضاء هيئة التدريس، وهو مطلب مشروع؛ فالإخوان وقفوا منه موقفًا إيجابيًّا كأفراد، وحدَّد المرشد أنه على كلِّ فردٍ من أفرادِ الشعب أن يشارك فيما يتعلَّق به.

لحد كدا زى الفل واللى يقول غير كدا ينطس فى نظره يادوك طب نشوف عمنا احمد رمضان الصحفى المحترم زنق الدكتور الجميل فى سؤال تانى وكان رده ايه

إذا كان هذا موقفكم من الإضراب الفئوي.. فلماذا لم تدعم الجماعة إضراب أعضاء هيئة التدريس؟

** نحن نرى أن كل فئة، بمَن فيهم الإخوان، لا بد أن يدافعوا عن حقوقهم، أما أن تدفع الناس إلى عملية الإضراب العشوائي فإن النظامَ سيفهم مثل هذا التحفيز والدفع للإضراب بمفهوم آخر هو- بالقطع- ليس منهج الإخوان، ويكون نتيجة ذلك أن يتعامل الأمن مع هذه الفئة تعاملاً شرسًا، كما يتعامل مع الإخوان في المحليات؛ فنحن لا نريد لأية فئة من الفئات أن يتعامل معها الأمن بمثل ما يتعامل مع الإخوان

لا بجد تصدق يادوك صعبت عليا بما انت شايف ان اضراب هيئة التدريس اضراب عشوائى ياختى عسل لا والله عسل اشمعنا اساتذة الجامعة والاطباء ولا مظاهرات حماس كنتم بتنزلوا فيها زى النمل ولا دا علشان دول بتوعكم والنقابات انتم مسيطرين عليها ولا انتم عايزين بس تستقطبوا البهوات الكبار علشان لما يتقبض على حد منكم تقولوا دول دكاترة واساتذة جامعة والغلابة الباقيين تعملوهم وقود لحربكم مع النظام المصرى الغبى من اجل الوصول للسلطة

عموما هقوقف اباحة لحد ما نشوف احمد المحترم الصحفى اللى انا شخصيا على الصعيد الشخصى بحبه هو وكل اللى بيشتغلوا فى الموقع محضرلنا ايه

هل معنى ذلك أن الجماعة لن تشارك في إضراب 6 أبريل القادم؟

** لا بد من تأكيد أن الإخوان في تعاملهم مع القوى السياسية يسعَون إلى تشكيل قوى تناهض الدكتاتورية والظلم الذي نعيش فيه؛ ولذلك نحن حريصون على كل التجمعات التي تهدف إلى توحيد المعارضة المصرية، ونحرص على مشاركتهم في فعالياتهم، وهو ما حدث قبل ذلك، ولكن بعد أن يتم التنسيق للموضوع المطروح.

 

وفي شأن إضراب 6 إبريل فإن الفكرة لم تُطرح على الجماعة من الأساس، وإنما سمعنا عن هذا الإضراب من جهاتٍ مختلفة، وكل الدعوات التي وُجِّهت إلى الجماعة لم نعرفها إلا عن طريق وسائل الإعلام؛ ولذلك فنحن لا ندري ما هو الهدف من هذا الإضراب؟ ولماذا اختيار هذا الوقت له؟ وما هي آليات تنفيذه؟ وهل هناك تنسيق أم لا؟.

 

ومع تأكيدنا أهميةَ الإضراب كوسيلةٍ من وسائل الاحتجاج، إلا أن إضراب 6 أبريل القادم أشبه بدعوة دون تحديد مهامها ولا أهدافها، وإذا ما طبَّقنا عليه القواعد الذي سبق أن أوضحتها الجماعة نكتشف أننا لا نعرف الوسائل ولا الأهداف، ولم ينسِّق معنا أحد في هذا الشأن، ولا نعرف النتيجة التي ستئول إليه، وبالطبع لن نشارك فيه وفي نفس الوقت لسنا مسئولين عن إفشاله؛ لأننا لسنا الجهة الداعية إليه، وعلاقتنا به من خلال وسائل الإعلام فقط

انا كنت ناوى اوقف اباحة بس معلشى بقا يادوك انتى هتخلينى مش قبيح بس دا انا هديك من المنقى ياخيار ايه الهبل اللى بتقولة دا بقا سعادتك

الاول تقول انك تناهض النظام الدكتاتورى اذا كان الاخوان هما مثال الدكتاتورية الاصيلة المرشد يقول وكلة يقول ولا ضالين اامين

وبعدين ترجع تقولى انكم بتوحدوا الصف مع المعارضة لا ياحبيبى انتم وحدتم الصف فى المحليات مع المعارضة فقط فى مظاهرات الغلاء وكنتم بتنزلوا بواحد ولا اتنين علشان تقولوا الاخوان عملوا رغم ياخى ان اعدادكم بتبان فى مظاهرات لمساندة حماس ولما جه المحليات قولتوا لا بلاش مينفعش ننسق معاهم اصل ياكلوا مننا الجو

وبعدين ايه المصيبة السودا اللى يتقولها دى فكرة ايه اللى عايزها تتطرح على الجماعة هو فى حد فى الاساس يملك طرح الفكرة دى قضية مصرية كل الشعب مشارك فيها تقوم تقول ان لازم يعرضوها عليكم الاول تعالى يامو ناجى على ما اجى وبعدين تقولى انكم متعرفوش حاجة عن الاضراب غير من وسائل الاعلام قال ايه ملكوش جواسيس يعنى فى كل مكان فى مصر وكنتم مستنين الصحف والاعلام يعرفكم

وبعدين ايه اللى بتقولة انكم مش عارفين ايه اللى ورا الاضراب ايه هيكون وراه امريكا ولا اسرائيل يعنى وراه الجوع ورغيف العيش والاسعار اللى ولعت فى ام الناس ولا صحيح ما انت عندك عربية طولها 50 متر وفلوس بالعبط هتحس بيهم ازاى

البية بقا مكفهوش اللى قاله زودها هباب وبيقول ان الاخوان مش عارفين النتيجة اللى هيقول ليها الاضراب وانهم مش مسئولين عن افشالة لانهم مش هما اللى داعيين لية النتيجة اللى هيقول ليها ياعم الدوك اللى كبرت ومخك خلاص بقا بيهنج ان الناس عايزة تغير ولازم الكل يشارك اما بقا انكم لو مشاركتوش الاضراب هيفشل خلينى ااقولك كتكم خيبة اوية انتم فاكرين نفسكم مين ياخبيتها دا انتم شوية بشر عايزين توصلوا للسلطة وبتستخدموا الغلابة بأسم الدين كدروع بشرية فى صراعكم مع الحكومة الديكتاتورية اللى متتخيروش عنها ومشاركتكم من عدمه لا تعنى للشعب المصرى شىء اما بقى لو قولت ان انتخابات مجلس الشعب خلتكم خدتوا 88 كرسى تعبان وكسر دا يقول انتم عددكم كام يبقى تسمحلى ااقولك ياخسارة على التعليم المصرى اللى خلاك دكتور لان عددكم دا مجاش علشان انتم ملايين ولا حاجة لا دا لان الناس انتم تاجرتم بيهم باسم الدين وكمان لان الناس خلاص اتخنقت من من الحزب الوثنى اللى نفخ كل البشر فقالوا انهم نفسهم يغيروا شوية وانا واحد حطيت صوتى لواحد معارضة للمعارضة والاخوان رغم انى لا معارضة ولا اخوان انا مجرد شخص اشتراكى يتمنى العدل الاجتماعى وملوش فى قصة حربكم انتم والمعارضة فى الوصول للحكم لكن حطيت صوتى ليكم علشان مش طايق الحزب الوطنى قلت اجرب يمكن تكونوا احسن لكن طلع ما ازفت من سيدى الا ستى

بصراحة انا تعبت من القباحة انا هسيبكم تقروا الموضوع واسيب الزوار يعلقوا على الجزء اللى اعلن فية سيادة الدوك للصحفى احمد المحترم ان الاخوان غير مسئولين عن الاضراب او عن فشلة وياريت الزوار يبقوا يقولوله كتك خيبة ياللى فضحت الاخوان وطلعت عار عليهم كنت فاكر ان الاخوان بدأوا يعملوا حاجة لما حربوا النظام فى المحليات بقوة لكن الظاهر ان ديل الكلب عمره ما يتعدل حتى لو علقوا فيه قالب

وبجد خلونى اشكر الشباب الاخوان اللى اعلنوا تدشين حملة ضد الاخوان واعلنوا انهم اخوان لكن مش تحت السيطرة ولن يقبلوا ان يصبحوا تحت سيطرة احد

تحياتى لهم

باقى الموضوع هنا

http://www.ikhwanonline.com/Article.asp?ArtID=36099&SecID=270

كريم البحيرى

0123308885

0169338186