استضافت اليوم جريدة المهلبية والمحاكمات العسكرية مدونة احترس انت الان فى مصر وكان نص اللقاء كالاتى
ياترى يوم 11 سبتمبر بيفكرك بأيه ؟
بيفكرنى بعيد ميلاد البت ايمان اختى وخوفى عليها انهم يتهموها انها اللى فجرت الابراج
طب ياترى انت شايف ان بن لادن هو اللى فجر الابراج ؟
طبعا لا اللى فجر الابراج هما المدونون
دا كلام خطير جدا مع علاقة المدنيين بالابراج ؟
ااقولك مش المدونون بيحطوا صواريخ على مدوناتهم يبقى اكيد هما اللى فجروا الابراج
طب هل مدونة احترس انت الان فى مصر شاركة فى التفجير ؟
مش عارف الزوار هما اللى يحددوا
طب ياترى تعرف اسماء اللى شاركوا فى تفجير الابراج ؟
طبعا
مين ؟
مدونات كتير يعنى مثلا منها
مدونة حسام الحملاوى
مدونة محمود الششتاوى
مدونة نفى بتاع معتز واسلام
مدونة نواره نجم
مدونة محمد مارو
مدونة نورا يونس
مدونة على اسم مصر
مدونة محمود الجيزاوى
مدونة انا اخوان
مدونة علشان مصر
مدونة ساره
ومدونات كتير اوى شاركة فى انفجار الابراج
انت عارف ان تصريحك دا هيخلى مباحث امن دولة المهلبية تقبض عليكم ؟
عارف طبعا بس ياترى ايه التهمة
تفجير الابراج ؟
مين اللى قال ان تهمة تفجير الابراج تهمة ياعم الحاج
الدستور المصرى بينص على وجود قانون جديد للارهاب ؟
طب ايه علاقة تفجير الابراج بالارهاب كل الحكاية ان الناس دى شاركة فى التفجير بتاع الابراج ومظنش ان دا ارهاب
ازاى لما يفجروا الابراج ويقتولوا فى الناس يبقوا ارهابيين ؟
لا طبعا هو انبدلوا ببتوع وزارة دخلية دولة المهلبية ولا ايه كل الحكاية ان الناس كانت مؤمنة بالقضية وعايزين مصر تكون احسن ودولة حرة ففجروا الابراج علشان نعيش دايما مرفوعى الراس
طب سؤال اخير لمدونتك
اتفضل
هل انت شاركت فى تفجيرات 11 سبتمبر فى امريكا ؟
ايه ياعم علاقتى بأمريكا ياعم انا لما بروح القاهرة بقول الغربة مرة
حضرتك قولت ان المدونو اللى فجروا ابراج امريكا ؟
المدونون فجروا ابراج العالم كله مش امريكا بس
دى تهمة خطيرة جدا ؟
لية ياعم هو تفجير ابراج الدماغ تهمة ولا ايه
حضرتك بتتكلم فى ايه انا ااقصد تفجيرات ابراج التجارة فى امريكا ؟
وانا بقصد ابراج دماغ الحكومة فى دولة المهلبية
انتهى اللقاء
وكل 11 سبتمبر وانتم طيبيين
كان معكم كريم البحيرى من امام شبكة المجارى العمومية
كتبها kareem elbehirey في 11:02 مساءً ::
والله أنت زى العسل يا كريم ...... فعلا دولة المهلبية والكوسة والملوخية وكل الحاجات الطرية ...... مش غريب عليهم إنهم يتهموا المدونين بتفجير الأبراج ويلفقولهم القضية .... وحلوة قوى حتة ((كريم البحيرى من أمام شبكة المجارى العمومية))......... أبـــــــن الــــبـــــلــــــد